Aizawl, January 29, 2010: Serlui ‘B’ Hydro Project tuiin a chim ding Builum khuo mihai kuoma zangnadawmna pek dan chungchanga engelna nei dinga sawrkarin June 19, 2009 a an din Builum Inquiry Commission (BIC) Chairman, Pu S.L. Sailova chun zanikhan Chief Minister Pu Lal Thanhawla kuoma Inquiry report a peklut.
Chief Minister chun zangnadawmna indiknaw taka la tumtuhai chunga dan anga hmalak ani ding thu a hril a. Project lien tak tak hai khawm hi zangnadawmna dit taluot na leia a thlawl pha inlau a um a nih, tiin a hril bawk.
Sinthaw tan ani a inthawk Builum khuo hi tuiin a chim nghal leiin Sub Committee indin ani a, chu committee hai chun GPS hmangin sin an thaw a. Hi hun sung hin Commission hmaah mi 113 an inlang a, intiemkamna inneitir vawng an nih.
Zangnadawmna (Compensation) pawisa pek popo bel khawm hi cheng vaibelsie 3, nuoi 34 le sangnga zali sawmriet pariet (Rs. 3,34,05,488) a nih.
Source: Hmasawnna Thar
Loading ...